មណ្ឌលគិរី៖ ខេត្តមណ្ឌលគិរីបានរៀបចំពិធីតាំងពិព័រណ៍ និងបាញ់កាំជ្រួច ដើម្បីអបអរសាទរ ព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែ កាលពីថ្ងៃច័ន្ទ ទី៧ ខែវិច្ឆិកា ឆ្នាំ២០២២ នៅទំនប់សែនសុខដុម ស្ថិតនៅក្រុងសែនមនោរម្យ។

ពីធីនេះផងដែរក៏មានការចូលរួមពីអភិបាលខេត្តលោក ថង សាវុន ប្រធានក្រុមប្រឹក្សាខេត្តលោក ម៉ែន ង៉ុយ និងមន្ត្រីសាលាខេត្តជាច្រើនរូប ជាមួយពលរដ្ឋ និងភ្ញៀវទេសចរជាតិ និងអន្តរជាតិជាច្រើនកុះករផងដែរ។

នាឱកាសយ៉ាងឱឡារិកអធិកអធម នៅបរិវេណទំនប់សែនសុខដុម និងទំនប់សែនមនោរម្យ ក្នុងក្រុងសែនមនោរម្យ មានការរៀបចំតុបតែងភ្លើងលម្អតាមទីសាធារណៈ ការតុបតែងលម្អផ្ការំដួល ផ្កាយ ស្តង់ពិព័រណ៍លក់ផលិតផលទំនិញគ្រប់ប្រភេទ ការប្រគំតន្រ្តីកម្សាន្ត ពិធីបណ្តែតប្រទីប និងមានការបាញ់កាំជ្រួច ដែលជាការរួមចំណែកបង្កេីតកម្មវិធីកម្សាន្តសប្បាយរីករាយ ជូនបងប្អូនប្រជាពលរដ្ឋ ក៏ដូជាតាមទំនៀមទម្លាប់ប្រពៃណីដ៏ផូរផង់របស់ខ្មែរ៕